Mix Mercher: Eädyth
Mae trydydd Mix Mercher Klust ‘dan ofal Eädyth wrth iddi ddod a’i hoff artistiaid ynghyd a rhannu’r traciau sydd wedi ei hysbrydoli’n ddiweddar. Os mai cyd-greu a chyd-gynhyrchu oedd hanes 2021, perfformiadau byw sy’n dal ein sylw eleni - ac mae Eädyth yn gwneud union hynny.
Dros y blynyddoedd diwethaf, mae llond llaw o artistiaid Cymraeg wedi elwa o wyliau ‘showcase’ tramor gan gynnwys Adwaith (UU.Sound, Siberia), Yr Ods (SUNS Europe) ac wrth gwrs Sŵnami yng ngŵyl Eurosonic yr Iseldiroedd. Eleni, mewn partneriaeth â FOCUS Wales, bydd tri o artistiaid fwyaf cyffrous Cymru yn perfformio draw yn Norrköping, Sweden fel rhan o ŵyl Future Echoes. Yn ogystal â Minas a Bandicoot, bydd Eädyth yn cyflwyno ei churiadau neo-soul i gynulleidfa ryngwladol yr ŵyl rhwng Chwefror 17-19.
Yn dyheu i barhau i gydweithio ag artistiaid eraill, mae Eädyth wrthi’n gweithio ar ei EP ‘Heal Yourself’ - a fydd yn cael ei rhyddhau cyn diwedd y flwyddyn. Hefyd yn rhan o'r ŵyl ‘In It Together’ eleni, daw 2022 a chyfleoedd di-ri i’r cynhyrchydd o Ferthyr Tudfil. Dyma ddewisiadau arbennig Eädyth ar gyfer ein Mix Mercher yr wythnos hon:
