Mix Mercher: Malan
Dyma gyflwyno ‘Mix Mercher’ cyntaf Klust: Bob wythnos, bydd artist, label neu hyrwyddwr yn paratoi mix arbennig ar ein cyfer ac yn enwebu person o'u dewis ar gyfer yr wythnos ganlynol. Yn ein croesawu i’w byd breuddwydiol am y tro cyntaf eleni mae Malan - un o artistiaid fwyaf cyffrous Cymru.
Nol yn haf 2020, cawsom flas ar felodïau moethus Malan wedi iddi ryddhau ei dwy sengl gyntaf ar label Playbook sef ‘Busy Bee’ a ‘Greed’ - gyda’i llais lleddfol yn hawlio’n sylw ar y ddau drac. Yn cuddio tu ôl i’r curiadau llac a’r offeryniaeth chwareus oedd ei gallu i’n cysylltu â’i cherddoriaeth - a hynny mewn modd gwbl gysurus. Dwy flynedd yn ddiweddarach ac mae Malan ar fin rhyddhau ei thrydedd sengl. Yn cyfaddef bod y cyfnod clo wedi bod yn gyfle iddi wrando ar “wahanol fathau o gerddoriaeth” a dod i adnabod ei harddull gerddorol yn well, gofynnom i Malan pa artistiaid sydd wedi ei hysbrydoli yn ddiweddar. Yr ateb:
